بقلم بسمة فاروق
مؤخرا بدأنا نكتشف أن من أسباب المشاكل الزوجيه و المشاكل المجتمعيه أننا لازلنا عالقين في مجتمع ذكوري ينحاز للرجل بشكل كبير
مع التحليل و البحث وصلنا لنقطه أن سبب المشكله الرئيسي يكمن في طريقه تربيه هذا الرجل
الراجل ده اتربي ازاي و تلقي ايه واتعلم ايه في رحله تربيته
ولقينا أن الرجل اتربي علي فكره التمييز لكونه ذكر قبل اي إنجاز حقيقي يحققه ولو بسيط
هو لكونه ذكر ده إنجاز في حد ذاته
طيب تعالو نرجع خطوات لورا ونشوف ليه الام بتربي وبتدعم الراجل من اول يوم ولادته علب عكس لو مخلفه بنات
في اعتقادي أن من الأسباب الرئيسية أن الست بتكون منحازه لخلفه الولد اكتر من البنت
هو الامل
الامل ازاي
هقولك
الست كائن باحث دائم عن الامان من أهم اهم أولوياتها
والامان موجود في علاقه طرفها راجل
وده لأننا مجتمع ذكوري
ف مع اول يوم ليها في الحياه
هي بتبحث عن الامان في الاب .....مش بتلاقيه
بتبحث عن الامان في الزوج ..... مس بتلاقيه
لو ربنا رزقها بولد
هنا الامل بيتجدد
وبيكون هو عنصر ومصدر الامان و الاحتواء ليها في الحياه
لانها فقدت واتصدمت في النموذجين الاساسيين في حياتها
باستثناء بعض العلاقات القليله السويه
انا بتناقش عن اغلب العلاقات في المجتمع
سر من اسرار تعلق الام الشديد بالابن
هو الامل و تجديد المشاعر التي لم تشبع بعد جواها
ف الابن بيكون
الامان و الحب الحقيقي و السند و الدعم و الضهر و الاب والزوج كمان
بيبقي كل شي ليها
وده بردو سر من اسرار الخلافات العائليه بين زوجه الابن و الام
الوعي مهم
الوعي بالاحتياج و المكانة والمشاعر
لو فكرتي في مشاعر حماتك
لو فكرتي في مشاعرك انتي ك ام ل ولد
اغلب المشاكل في الموضوع ده هتتحل و تاخد مكانها الطبيعي
اللي بيخلق المشاكل كثره التعلق و رفع مستوي التوقعات
ف ابنك مش ابوكي ومش زوجك
و تعلقك الزياده و توقع أنه بديل لنماذج اخري ماقمتش بدورها في حياتك
هيظلمه و يظلمك
وهتكوني عبء عليه
و هيكون عبء ع مراته بعد كده
ولا انتي هتتبسطي بيه ولا هو هيتبسط في حياته
وفكره أنه اتربي علي التمييز والعنصريه و أنه مافيش زيه
هيعيش طول الوقت انسان اعتمادي غير مسؤول مش قابل التغيير مش شايف ومش معترف بعيوبه
خير الامور الوسط
حبي ابنك و افرحي بيه لكن مش علي حساب حد