بقلم بسمة سامي فاروق
#الدوبامين
سلسله التشافي من الدخل.........
ايه المشكله لو الجسم أفرز هرمون الدوبامين بشكل مستمر في الجسم طول اليوم ......
العقل بينجز المهام عشان يشعر بالمكافأة و الانجاز بعد ما تتم المهام دي
يعني انت بتشتغل وتجتهد عشان تحقق نجاح وتحسن بقيمتك و تحسن وضعك المالي و تكون كيان ليك في المجتمع
طيب العقل لما يلاقي مصدر الدوبامين اسهل ويوفر عليه كل المجهود ده بدل ما يفكر و يحط خطه وتاخد وقت ويجتهد
ف هيلجأ للمصدر البديل لتحفيز الدوبامين وهو المصدر الاسهل وهو التليفون
وتنتهي لذه ومتعه المهام اللي بتاخد وقت أطول
راقب نفسك عشان تفهم اكتر عملي
المتعه اللي بتحسها لما بتتفرج علي انواع فيديوز معينه
زي فيديوز التنضيف علي سبيل المثال
فيديوز الروتين اليومي أو ال skin care
فيديوز تعليميه أو ثقافيه وغيرهم
بتحس بمتعه بس مش شرط تنفذ كل اللي بتشوفه ده في الواقع
طيب ايه الحل
هل استغني عن التليفون تماما
هقولك لا
التليفون بقي جزء لا يتجزأ من حياتنا اليوميه
واي كلام غير كده هيكون كلام غير منطقي وبعيد عن الواقع
الحل ايه
نقلل استخدام السوشيال ميديا
المسلسلات
الوجبات السريعه
وجرب تستغني عن الاجهزه يوم واحد في الاسبوع
لان مخك محتاج بحس بالملل والفتور عشان يحفز نفسه علي انتاج هرمون الدوبامين من مصادر ايجابيه
يدور علي مصادر تانيه تحسسه بالانجاز
زي انك تنضف البيت أو تخلص دراسه أو مذاكره وراك
شغل متعطل تنجزه
تقرا كتاب تكمل مشروعك
تجدد طاقتك و تفكيرك بشكل واقعي اكتر
ايه كمان ممكن يكون مصدر الدوبامين السليم
القران الكريم
التعرض للشمس
الموسيقي
الرياضه / حركه الجسم بشكل عام
النوم ليلا عدد ساعات كفايه
نظام غذائي سليم
الموضوع ده حبيت اتكلم معاكم فيه وأوجه الكلام ده ليا معاكم
لاني قررت مع بدايه السنه الجديده
ادور علي مقتدر دوبامين سليمه
واقلل من استخدام الاجهزه
خصوصا أن شغلي اونلاين بشكل كبير