فيه ناس انا كنت بسأل عليهم كل يوم واطمئن
ومهما قسيت قلوبهم انا برضه قلبى كان بيحن
ومن ساعة ما حصلى اللى حصل و عرفوا
والله العظيم مافيه واحد منهم عليا بيرن
ابعتهلهم ابعتهلهم
اللى عملته مجاش فخيالهم
قدت صوابعى العشره شموع
لو انا بأكدب روح واسألهم
عشت سنين من عمرى باضحى
كنت نبطشى و مندوب صحى
يشهد ربى عاللى عملته
ناموا سنين وانا كنت باصحى
كنت بحارب فى الايام
ضعفى بيرفض الاستسلام
واللى يفكر يجى عليهم
كنت بأمثل دور فندام
كل ما فيهم عاش ويايا
دايما ماشى خلف الايه
انصح فيهم مليون مره
ويقولوا بس يا عم كفاية
ابعتهلهم لاجل يروقوا
انا مرضاش من كاسى يدوقوا
نفسي اشوفهم احسن منى
وبأدعى المولى يارب يفوقوا