ليس حب أعظم من أن يضع نفسه لأجل حبيبته

 بقلم شاعرة العصر الحديث ياسمين عبدالعزيز 

"فـي انتظـار العاصفـة"

صحيت الصبح..

 لقيت الكون

 سِكِت فجأة

وكلّ الحُبّ 

نام جنبي.. 

وصحّى البرد

 في السجدة

لقيتُه نازل الـ "ستوري"

 بيبتسم بنُصّ قلبه

كأنّه نازل الحرب..

 وقلبه فوق كَتافه ده

كِتاب اللّيل مقفول.. 

بسّ عنيه تِقرا عنوانه

فـي انتظـار العاصفة.. 

وبيبصّ لـلمراية

لبس نضّارة الشمس..

 والدنيا غيم وسكون

وشكله طالع القمرا.. 

بيصلي فـي أوانه

وشعره فوضى مرتّبة.. 

زيّه زيّ القصايد

ووشّه 

فيه ملامح سَهر.. 

وأحلامٍ مش بتقايد

وفي طلّته غناوي.. 

وفي سُكوته 

صدى طويل

وفي صمته

 نُطق شاعر..

 حزين، وقلبه رايد 

أنا ماشيه

 على حروفه.. 

وقلبي حافظ مقامه

كلّ يوم

 بيزيد حلاوة.. 

زيّ ناي

 بيعزف غرامه

عيونه

 بـتسرق الشمس.. 

وتوزّعها عَـخَدودها

ولمّا يعدّي جمبي..

 تِسجّل اللحظة علامة

ده بـيدّي

 للجماد لَمسَه..

 تصحي فيه الحياه

ويعدّي فوق الصباح..

 يخليه يشبه خطاه

بحبّه.. آه 

بحبّه..آه . .

بحبه آه

 حبّ ما يتقالش

 فـي ورق

ده إحساس 

من نجوم تاهت.. 

ولقتني فـي سماه...!

القيثارة 

ياسمين عبدالعزيز 

من ديوان 

تلك الليلة